अधीरता
का रे असा बरसतोस
हूरहूर मनी लावतोस
तव धारांसह असा हा
व्याकुळ पवन धाडतोस….
का धरणीस भेटावसा
अधीर एवढा होतोस
साधून संध्या समय नेमका
चिंब तिला भिजवितोस!
साद तप्त धरणीची
जशी तुजला रुचते
का रे माझी भक्ती
मोहनास न भावते
- मोहनकामिनी
शरणागत
अगाध लीला तुझी मोहना आम्हा कधी उमजेल का? दृष्टी पल्याड सृष्टी सारी दिशा तूच दावशील ना? संकट उंबर्यापाशी येता तूच सदैव निवारण केले मजला ते दृष्टीस पडण्या आधीच दृष्टी आड केले…. मीरे इतकी नसेल माझी अविरत प्रीत तव चरणी परी तुझ्याच ठायी असेल सदैव शरणागत जन्मो जन्मी एकच आशा मनात आता तव ध्यास घेऊनी तेवते विसर तुझा रे पडो न कधी मज दुजे न काही मागते, दुजे न काही मागते…. - मोहनकामिनी
टिप्पण्या
टिप्पणी पोस्ट करा